Í sporum annarra er námsefni í samfélagsgreinum sem er ætlað að samþætta lífsleikni, trúarbragðafræði, landafræði, þjóðfélagsfræði, sögu og náttúrufræði. Markmið þess er að nemendur geti sett sig í spor jafnaldra sinna í mismunandi löndum eða landsvæðum heimsálfanna sex. Í lok verkefnisins eiga nemendur að geta leyst álitamál án þess að láta þjóðerni sitt lita afstöðu sína.
​
Í sporum annarra er ætlað að efla siðferði, réttsýni, samhygð og gagnrýna hugsun nemenda ásamt því að bæta þekkingu þeirra á þeim námsgreinum sem kenndar eru undir heitinu samfélagsgreinar. 
​