NámsmatHugtakið námsmat getur haft mismunandi merkingar í hugum fólks enda er hægt að meta nám með ólíkum leiðum og aðferðum. Formlegt mat byggist gjarnan á mælingum og skriflegum prófum (Erna Ingibjörg Pálsdóttir, 2011) en þó hafa nýjar aðferðir rutt sér til rúms á undanförnum áratugum þar sem mikil umræða hefur átt sér stað ,,um að skólar þurfi að koma betur til móts við þarfir nútímasamfélags með frekari mælikvörðum og skýrari markmiðum og miða að betri árangri sem geti skilað hæfari einstaklingum út í síbreytilegt samfélag“ (Erna Ingibjörg Pálsdóttir, 2011).
Samkvæmt Aðalnámskrá grunnskóla er megintilgangur námsmats ,,að veita leiðbeinandi upplýsingar um námið og hvernig markmiðum þess verður náð“ (Aðalnámskrá grunnskóla, 2013). Með námsmati er verið að fylgjast með hvernig nemendum tekst að ná almennum hæfniviðmiðum sem sett hafa verið upp í Aðalnámskrá grunnskóla, stuðla að námshvatningu, örva nemendur til framfara og meta hvaða aðstoð þeir þurfa (Aðalnámskrá grunnskóla, 2013). Í kennsluverkefninu verður lögð áhersla á fjölbreytt námsmat til að koma til móts við mismunandi þarfir sem flestra nemenda. |
Leiðsagnarmat
Í leiðsagnarmatsferli er upplýsinga aflað um stöðu nemenda í námi þeirra á meðan á því stendur. Undir leiðsagnarmat flokkast margar matsaðferðir, þar á meðal þær sem höfundur hefur ákveðið að notast við í verkefninu, en þær eru meðal annars: sjálfsmat, athuganir, jafningjamat, leiðarbækur og kannanir (Þóra Björk Jónsdóttir, 2008).
Sjálfsmat
Mikilvægt er að nemendur geti sjálfir metið nám sitt og gert sér grein fyrir því hvað betur þarf að fara svo þeir geti náð árangri. Með því geta nemendur gert sér ,,raunhæfar væntingar um árangur og styrkst í trúnni á eigin getu og færni’’ (Erna Ingibjörg Pálsdóttir, 2011). Það getur komið fyrir að nemendur ofmeti eða vanmeti sig en oftast er matið raunhæft (Lilja M. Jónsdóttir, 1996).
Kennaramat
Það er ávallt mikilvægt að kennari fylgist vel með vinnu nemenda. Hann getur gengið á milli nemenda og skráð athugasemdir um vinnu þeirra. Einnig væri hægt að halda umræðufundi með nemendum þar sem hann ræðir við þá um framvindu verkefnisins og skráir niðurstöður (Lilja M. Jónsdóttir, 1996).
Uppskeruhátíð
Námsmatsaðferðin uppskeruhátíðir ber mörg önnur heiti og má þar nefna gestakvöld, hátíðir og málþing en hefur þó ávallt eitt meginmarkmið; að nemendur geti sýnt og kynnt afrakstur verkefna sinna (Ingvar Sigurgeirsson, e.d.).
Leiðarbók
Hver nemandi útbýr bók sem öll verkefni þeirra verða sett í. Mikilvægt er að kennari útskýri vel fyrir nemendum hvað sé í bókinni, einnig þarf að vera ljóst hvernig kennari kemur til með að meta leiðarbækur nemenda (Lilja M. Jónsdóttir, 2001).
Í leiðsagnarmatsferli er upplýsinga aflað um stöðu nemenda í námi þeirra á meðan á því stendur. Undir leiðsagnarmat flokkast margar matsaðferðir, þar á meðal þær sem höfundur hefur ákveðið að notast við í verkefninu, en þær eru meðal annars: sjálfsmat, athuganir, jafningjamat, leiðarbækur og kannanir (Þóra Björk Jónsdóttir, 2008).
Sjálfsmat
Mikilvægt er að nemendur geti sjálfir metið nám sitt og gert sér grein fyrir því hvað betur þarf að fara svo þeir geti náð árangri. Með því geta nemendur gert sér ,,raunhæfar væntingar um árangur og styrkst í trúnni á eigin getu og færni’’ (Erna Ingibjörg Pálsdóttir, 2011). Það getur komið fyrir að nemendur ofmeti eða vanmeti sig en oftast er matið raunhæft (Lilja M. Jónsdóttir, 1996).
Kennaramat
Það er ávallt mikilvægt að kennari fylgist vel með vinnu nemenda. Hann getur gengið á milli nemenda og skráð athugasemdir um vinnu þeirra. Einnig væri hægt að halda umræðufundi með nemendum þar sem hann ræðir við þá um framvindu verkefnisins og skráir niðurstöður (Lilja M. Jónsdóttir, 1996).
Uppskeruhátíð
Námsmatsaðferðin uppskeruhátíðir ber mörg önnur heiti og má þar nefna gestakvöld, hátíðir og málþing en hefur þó ávallt eitt meginmarkmið; að nemendur geti sýnt og kynnt afrakstur verkefna sinna (Ingvar Sigurgeirsson, e.d.).
Leiðarbók
Hver nemandi útbýr bók sem öll verkefni þeirra verða sett í. Mikilvægt er að kennari útskýri vel fyrir nemendum hvað sé í bókinni, einnig þarf að vera ljóst hvernig kennari kemur til með að meta leiðarbækur nemenda (Lilja M. Jónsdóttir, 2001).