Allar þær spurningar sem samdar voru fyrir verkefnið taka mið af hæfniviðmiðum 10. bekkjar í Aðalnámskrá grunnskóla. Hver flokkur skiptist niður á lotur. Spurningar verð aðgengilegar inn á Google Classroom. Sjá má spurningar hér að neðan.

---

Flokkur A

1. Lýstu fjölskyldu þinni.

• Lýstu fjölskyldumynstri þínu. 
• Hver er aldur foreldra þinna, hvað heita þau og við hvað vinna þau?
• Áttu systkini? Ef já, hvað heita þau og hver er aldur þeirra?
• Hvaða kynþætti tilheyrir þú og þín fjölskylda?
• Eruð þið í minnihlutahóp eða meirihlutahóp?
• Eruð þið innfædd eða innflytjendur?
• Hvað heitir borgin/bærinn sem þið búið í?
• Afhverju búið þið þar?
• Hversu margir búa þar?
• Hvað heitir skólinn sem þú gengur í?
• ​Hver eru uppáhaldsfögin þín?
• Hvað gerir þú þér til skemmtunar?

​Flokkur B

1. Hver er efnahagsstaða í landinu sem þú býrð í og hvaða áhrif hefur hún á líf fjölskyldu þinnar?
2. Hvernig er stjórnarfari landsins háttað?
3. Lýstu stjórnarfari landsins.

• Hver er æðsti embættismaður landsins?
• Nefnið þrjá stærstu stjórnmálaflokka landsins og helstu stefnur þeirra?
• Hvar á stjórnmálaásnum sitja þessir stærstu flokkar?
• Hvað þýðir það að sitja vinstra megin, í miðjunni og til hægri á svona ás?

 

1. ​​Í hvaða trú/trúfélagi ert þú og þín fjölskylda?

• Afhverju?
• Eruð þið strangtrúuð? Trúleysingjar?
• Ef svo er, afhverju?
• Er trúfrelsi í landinu sem þú býrð í?
• Er ríkisstrú í landinu? Ef já, hvaða trú er það?
• Hvaða önnur trúrbrögð eru fjölmenn í landinu?

​Flokkur C

1. Hvernig eru útivistarsvæðin þar sem þú býrð?

• Þegar þú gengur um þau, hvaða trjágróðri tekur þú eftir?
• Hvaða blóm eru í kring?

       2.  Hvaða dýr sérðu þegar þú labbar um heimasvæðið þitt?      
       3.  Fjölskyldan fer út fyrir borgina/bæinn sem þið búið í.

• Í hvaða gróðurbelti er landið sem þú býrð í?
• ​Lýstu landslaginu sem þú sérð.
• Hverskonar gróður vex þar?
• Eru fjöll í kring? Ef já, hvers konar fjöll eru það?
• ​Eru vötn, fljót eða lækir? Ef já, hvers konar?
• ​​Eru dalir, firðir eða ósar? Ef já, hvers konar?       

       4.  Í hvaða loftslagsbelti er landið sem þú átt heima í?

• Hvernig er veðurfarið þar sem þú átt heima?

Flokkur D

1. Hvaða helstu atburðir hafa átt sér stað í sögu landsins?
2. Hvað eru nokkrar vinsælar hefðir eða venjur í þessu landi?
3. Hverjir eru vinsælustu áfangastaðir ferðamanna og hvað fara þeir að sjá?
4. Hefur einhverntímann verið stríð eða átök í landinu?

• Ef já, hver var ástæða þess?
• Eru enn þann dag í dag átök í landinu?

      5.  Hver er hinn menningarlegi arfur landsins þíns?

• Eru það bókmenntir, dansar, söngvar?
• Skrifaðu niður nokkur dæmi.